જમ્મુ-કાશ્મીરના શ્રીનગરમાં 34 વર્ષ બાદ પ્રથમ વખત 27 જુલાઇએ પરંપરાગત ગુરુબજાર-દાલગેટ રૂટથી શ્રીનગરના ચર્ચાસ્પદ લાલ ચોક વિસ્તારથી શિયા સમુદાયનું જુલૂસ અને તાજિયા પસાર થયા હતા. 1990ના દાયકામાં હિંસાના કારણે આ રૂટ પરથી મોહરમના જુલૂસ યોજવા પર પ્રતિબંધ મુકી દેવામાં આવ્યો. હતો. આ વર્ષે જમ્મુ વહીવટી તંત્રે કાશ્મીરમાં તાજિયા જુલૂસ યોજવા માટેની લીલી ઝંડી આપી હતી. મોહરમને ઇસ્લામિક કેલેન્ડરનાં પ્રથમ મહિના તરીકે ગણવામાં આવે છે.
