નવી દિલ્હીઃ ભારતમાં ફેલાયેલા કોરોના વાઇરસના પ્રકોપ સામે રક્ષણ મેળવવા ગરીબો સાવચેતીરૂપે માસ્ક પહેરી શકે એ માટે રાષ્ટ્રપતિ રામનાથ કોવિંદના પત્ની સવિતા કોવિંદ જાતે સિલાઇ મશીન પર બેસીને માસ્ક સીવી રહ્યાાં છે. સવિતા કોવિંદે રાષ્ટ્રપતિ ભવનના શક્તિ હાટમાં સિલાઈ મશીન પર જાતે માસ્ક સીવ્યાં હતાં. તેમની આ કામગીરી બદલ સોશિયલ મીડિયા પર તેમની ઘણી પ્રશંસા થઈ રહી છે. આ પહેલ કરીને દેશનાં પ્રથમ મહિલાએ સંદેશ આપ્યો છે કે દરેક વ્યક્તિ કોરોના સામે જંગમાં લડી શકે છે. સવિતા કોવિંદે સીવેલાં માસ્ક દિલ્હીના જુદા જુદા શેલ્ટર હોમ્સને પહોંચાડાશે.