એકે ૪૭ અને વિસ્ફોટકોના જથ્થા સાથે કાશ્મીરમાંથી બે આતંકી પકડાયા

શ્રીનગરઃ જમ્મુ કાશ્મીરના બારામુલ્લા જિલ્લાના પટ્ટન વિસ્તારમાંથી પહેલી સપ્ટેમ્બરે ભારતીય સેના અને પોલીસે કરેલા સંયુક્ત ઓપરેશનમાં બે આતંકવાદીઓને ઝડપી લીધા હતા. એટલું જ નહીં, આ બંને પાસેથી સેનાએ શસ્ત્રોનો મોટો જથ્થો પણ જપ્ત કર્યો હતો. અંદરગામ ગામમાંથી પકડાયેલા આ બંને આતંકીઓની ઓળખ શૌકત અહેમદ ગનાઈ (૨૬) અને પરવેઝ અહેમદ મીર (૩૪) તરીકે થઈ છે.