કેન્દ્ર દ્વારા ૨૦૧૫થી ૨૦૧૮ના ગાંધી પીસ પ્રાઇઝના વિજેતા જાહેર

નવી દિલ્હીઃ કેન્દ્ર સરકારે ૧૭મીએ વર્ષ ૨૦૧૫થી ૨૦૧૮ સુધીના ગાંધી પીસ પ્રાઇઝ માટે પસંદ થયેલા વિજેતાઓના નામોની જાહેરાત કરી હતી. છેલ્લે ૨૦૧૪માં ભારતીય અવકાશ સંસોધન સંગઠન – ઈસરોને આ સન્માન અપાયું હતું. વર્ષ ૨૦૧૫ના ગાંધી પીસ પ્રાઇઝ માટે કન્યાકુમારીમાં ગ્રામીણ વિકાસ અને શિક્ષણ માટે કામ કરતાં વિવેકાનંદ કેન્દ્રને પસંદ કર્યું છે. ૨૦૧૬ના વર્ષના આ પુરસ્કાર માટે સંયુક્ત રીતે અક્ષય પાત્ર ફાઉન્ડેશન અને સુલભ ઇન્ટરનેશનલને પસંદ કરાયા છે. ૨૦૧૭ માટે આ એવોર્ડ એક અભિયાન ટ્રસ્ટને અપાયું છે. ૨૦૧૮ના આ પુરસ્કાર માટે યોહેઇ સસાકાવાને પસંદ કરાયા છે. તમામ વિજેતા દીઠ રૂ. એક કરોડનો રોકડ પુરસ્કાર અપાશે.