ચારા કૌભાંડના દુમકા ટ્રેઝરી કેસમાં ૩૭ દોષિતોને ૧૪ વર્ષની જેલ

રાંચીઃ ચારાકાંડ સાથે જોડાયેલા દુમકા ટ્રેઝરી કેસ મામલે ક્રાઈમબ્રાંચ સ્પેશિયલ કોર્ટે ૧૮મી માર્ચે ૩૭ દોષિતોને સાડા ત્રણ વર્ષથી લઇને ૧૪ વર્ષ સુધીની સજા સંભળાવી છે. નવમી એપ્રિલે તેમને દોષિત કરાર આપવામાં આવ્યો હતો. આ તમામ આરોપીઓ પર રૂ. ૫૦ લાખથી લઇને રૂ. ૨ કરોડ સુધીનો આર્થિક દંડ ફટકારવામાં આવ્યો છે. જ્યારે પાંચ શખ્સોને નિર્દોષ મુક્ત કરવામાં આવ્યા હતા. આ કેસમાં લાલુપ્રસાદને કોર્ટે ૨૩ માર્ચ ૨૦૧૮ના રોજ ૧૪ વર્ષની જેલની સજા ફટકારી છે અને રૂ. ૬૦ લાખનો દંડ પણ કર્યો છે. જેની સાથે પશુપાલન વિભાગના અધિકારીઓ, ડોક્ટર અને સપ્લાયર્સને પણ સજા ફટકારવામાં આવી છે.