દિલ્હીનાં શીખવિરોધી રમખાણોમાં ૮૮ને સજા યથાવત

નવી દિલ્હીઃ દિલ્હી હાઇ કોર્ટે પૂર્વીય દિલ્હીના ત્રિલોકપુરી વિસ્તારમાં ૧૯૮૪માં શીખવિરોધી રમખાણો દરમિયાન થયેલી હિંસા મુદ્દે નીચલી અદાલતનો ચુકાદો જાળવી રાખ્યો છે. નીચલી અદાલતે ૮૮ લોકોને રમખાણોના દોષિત ઠેરવતા ૫ વર્ષની સજા સંભળાવી હતી. જેના પર ૨૨ વર્ષ બાદ હાઇ કોર્ટે પણ મહોલ લગાવી દીધી છે. જસ્ટિસ આર. કે. ગૌબાએ ૨૮મીએ નીચલી અદાલતના ચુકાદા વિરુદ્ધ દાખલ અરજી પર આ નિર્ણય સંભળાવ્યો હતો અને બધા જ દોષિતોને ૪ સપ્તાહની અંદર આત્મસમર્પણ કરવા નિર્દેશ આપ્યો છે. દોષિતોએ ટ્રાયલ કોર્ટના ચુકાદાને હાઇ કોર્ટમાં પડકાર્યો હતો.