નીરવ મોદીનું રૂ. ૫૨.૮૦ કરોડનું વિન્ડફાર્મ ટાંચમાં

નવી દિલ્હીઃ રૂ. ૧૩,૦૦૦ કરોડ રૂપિયાના પીએનબી બેન્ક કૌભાંડ મામલે ફરાર નીરવ મોદી વિરુદ્ધ ઇડીએ વધુ સકંજો કસતાં રાજસ્થાનના જેસલમેરમાં આવેલા એક વિન્ડફાર્મને ટાંચમાં લીધું છે. આ વિન્ડફાર્મ નીરવ મોદીના પરિવારની માલિકીનું છે જેની આશરે કિંમત ૫૨.૮૦ કરોડ રૂપિયા જેટલી છે. તપાસ એજન્સીએ કહ્યું હતું કે પ્રિવેન્શન ઓફ મની લોન્ડરિંગ એક્ટ હેઠળ ૯.૬ મેગાવોટ ઉત્પાદનની વીજક્ષમતા ધરાવતું આ વિન્ડફાર્મ જપ્ત કરી લેવાયું છે.