પશ્ચિમ બંગાળનું નામ બદલીને બંગલા કરવા ઈનકાર

નવી દિલ્હીઃ કેન્દ્ર સરકારે પશ્ચિમ બંગાળનું નામ બદલીને બંગલા કરવાની મમતા સરકારની વર્ષો જૂની માગણીને ફગાવી દીધી છે. ૨૬ જુલાઈ, ૨૦૧૮ના રોજ રાજ્ય વિધાનસભામાં બંગાળનું નામ બદલીને બંગલા કરવાનો સર્વાનુમતે ઠરાવ પસાર કરવામાં આવ્યો હતો. રાજ્યસભામાં ગૃહરાજ્ય પ્રધાન નિત્યાનંદે રાયે માહિતી આપતાં કહ્યું કે કેન્દ્ર સરકારે બંગાળ સરકારના ઠરાવને મંજૂરી આપતી નથી. સાંસદ રિતાભદ્રા બેનરજીના સવાલનો જવાબ આપતા તેમણે આ મુજબની માહિતી આપી હતી.