વોશિંગ્ટનઃ વોલમાર્ટ અને ફોનપેના અન્ય શેરધારકોએ ફોનપેને ભારતમાં શિફ્ટ કરવા બદલ 8 હજાર કરોડ (એક બિલિયન ડોલર)નો ટેક્સ ચૂકવવો પડશે. ડિજિટલ પેમેન્ટ કંપનીએ તેનું હેડ ક્વાર્ટર ભારતમાં શિફ્ટ કરતા વોલમાર્ટે આ ટેક્સ ચૂકવવાનો આવ્યો છે. વોલમાર્ટે ફ્લિપકાર્ટને હસ્તગત કર્યા પછી ફોનપે પ્રાઇવેટ લિમિટેડને તેનાથી અલગ કર્યું છે. તેનું મુખ્ય મથક પણ સિંગાપોરથી ભારતમાં લાવ્યા છે. આ ફિનટેક કંપની જનરલ એટલાન્ટિક, કતાર ઇન્વેસ્ટમેન્ટ વગેરે પાસેથી કુલ 12 બિલિયન ડોલરનું ભંડોળ એકત્રિત કરી રહી છે. તેણે આ જંગી દંડ ચૂકવવો પડશે. આના પગલે ટાઇગર ગ્લોબલ મેનેજમેન્ટ સહિતના રોકાણકારોએ ભારતમાં ફોનપેના શેર નવા ભાવે ખરીદવા પડે તેવું બની શકે છે.
