મુંબઈઃ ધ બ્લુ વ્હેલ ગેમ પ્રકરણે દાખલ થયેલી અરજી પરની સુનાવણીમાં ફેસબુક અને ગુગલ એમ બંને કંપનીઓને મુંબઈ હાઇ કોર્ટે એક અઠવાડિયામાં એફિડેવિટ રજૂ કરવાનો આદેશ આપ્યો છે. નોટિસ ૧૪મીએ ફેસબુક અને ગૂગલના ભારતના સરનામા પર મળી હોવાથી જવાબ આપવા માટે બંને કંપનીઓએ સમય માગ્યો છે. એના પર હાઈ કોર્ટે બંને કંપનીઓને આકરી ટકોર કરી છે કે અહીં બાળકોના જીવ જાય છે અને તમે આ બાબતે ગંભીર દેખાતા નથી. તેથી તમે વહેલાસર તમારો જવાબ રજૂ કરો.