નવી દિલ્હીઃ ભારત સરકારની જાહેર ક્ષેત્રની કંપનીને વિદેશમાં મોટી સફળતા મળી છે. જાહેર ક્ષેત્રની કંપની ઓઈલ ઈન્ડિયા કોર્પોરેશન લિમિટેડ (આઇઓસીએલ)ને ઓઈલ-ગેસનો નવો ખજાનો મળ્યો છે. અમેરિકા-ઇરાન યુદ્ધના કારણે ક્રૂડ ઓઇલના ભાવ સતત વધી રહ્યા છે ત્યારે આ શોધ મહત્ત્વની નીવડી શકે છે. કંપનીએ નિવેદનમાં જણાવ્યું હતું કે તેને લીબિયામાં આવેલા બ્લોકમાં ઓઈલ-ગેસનો નવો ભંડાર મળ્યો છે. આ સંશોધન કંપનીના વિદેશી એક્સ્પ્લોરેશન પોર્ટફોલિયો માટે મહત્ત્વનું મનાય છે. આ પ્રોજેક્ટમાં ઓઇલ ઇન્ડિયા 25 ટકા ભાગીદાર છે. કંપની એક ભારતીય કોન્સોર્ટિયમનો હિસ્સો છે, જેમાં આઇઓસી-એલ પણ સામેલ છે.
કંપનીએ શોધેલો આ બ્લોક લીબિયાના સાઉથ-વેસ્ટ હિસ્સામાં છે. તે ઘડામેસ બેસિન નામના ક્રૂડ ઓઇલ મળવાની અત્યંત સંભાવના ધરાવતા ક્ષેત્રમાંથી એક છે. આખા બ્લોકનો વિસ્તાર 6,630 સ્કવેર કિલોમીટરનો હોવાનો મનાય છે.
