મુંબઈ: ઓનલાઈન ટ્રાવેલ પોર્ટલ મેક માય ટ્રીપના સંસ્થાપક અને ગ્રૂપના ચિફ એક્ઝિક્યુટિવ ઓફિસર દીપ કાલરાએ તેમનો હોદ્દો છોડી દીધો છે. હવે કંપનીના બીજા સંસ્થાપક અને ભારતના સીઈઓ રાજેશ માગો આ હોદ્દો સંભાળશે. દીપ કાલરા હવે ગ્રૂપ એક્ઝિક્યુટિવ ચેરમેન તરીકે કંપનીના વિસ્તરણ માટે કામ કરશે.
ગુરુગ્રામ સ્થિત આ કંપની ભારતની સૌથી મોટી ઓનલાઈન ટ્રાવેલ ઓપરેટર છે. અમેરિકાના નાસડેક શેરબજારમાં એ લિસ્ટેડ કંપની છે. કંપનીએ એક નિવેદનમાં જણાવ્યું છે કે, દીપ કાલરા હવે કંપની માટે નવી રણનીતિ ઘડશે. નવા પ્રોડક્ટ ઇનોવેશન કરશે અને વિસ્તરણ પર ધ્યાન આપશે.
