મુંબઇઃ મહાનગરની સ્પેશિયલ સીબીઆઇ કોર્ટે યસ બેન્કના સંસ્થાપક રાણા કપૂરની પત્ની બિંદુ અને બંને પુત્રીઓ - રાધા તથા રોશનીને શનિવારે જ્યુડિશિયલ કસ્ટડી હેઠળ મોકલી આપ્યા છે. કોર્ટનું સમન્સ જારી થયા બાદ ત્રણેય કેસની સુનાવણી માટે હાજર થયા હતા. આ દરમિયાન તેમની ધરપકડ કરાઇ હતી અને તેમને ૧૪ દિવસ માટે જેલહવાલે કરાયા હતા. ઉલ્લેખનીય છે કે યસ બેન્ક - ડીએચએફએલ આર્થિક ગેરરીતિ મામલે રાણા કપૂર અને તેમનો પરિવાર કાનૂની કાર્યવાહીનો સામનો કરી રહ્યો છે. કોર્ટે ત્રણેયને જામીન પણ નકાર્યા છે.