રાજસ્થાનની મઝારના માધ્યમથી દેશમાં આતંક ફેલાવા ISI આતંકીઓને ભંડોળ

જયપુરઃ રાજસ્થાન પોલીસની તપાસમાં બહાર આવ્યું છે કે, પાકિસ્તાની જાસૂસી સંસ્થા આઈએસઆઈ દ્વારા કાશ્મીર સહિત દેશના અનેક શહેરોમાં આતંકવાદી પ્રવૃત્તિ ફેલાવા રાજસ્થાનની એક મઝારની મદદ લીધી હતી. આ મઝારમાં ભેગું થતું નાણું દેશમાં સક્રિય આતંકવાદી સંગઠનોને મળતું હતું. રાજસ્થાનના ડીઆઈજી (સિક્યોરિટી) રાઘવેન્દ્ર સુહાસે જણાવ્યું હતું કે, બારમેરના ચોહાતનમાં એક નાનકડી મજાર આવેલી છે. આ મજારનું સંચાલન આઈએસઆઈના જાસૂસ દીના ખાન દ્વારા થતું હતું. ગયા અઠવાડિયે જેસલમેરમાંથી રાજસ્થાન પોલીસે દીના ખાનની ધરપકડ કરીને પૂછપરછ કરી ત્યારે આ ઘટસ્ફોટ થયો હતો. પાકિસ્તાને હાલમાં જ ખાનને રૂ. ત્રણ લાખનું દાન આપ્યું હતું. આ રકમ ખાને સતરામ મહેશ્વરી અને વિનોદ મહેશ્વરી નામના બે પાકિસ્તાની જાસૂસને પહોંચાડી હતી.