નવીદિલ્હીઃ સોમવારે દિલ્હી ખાતે કોંગ્રેસ વર્કિંગ કમીટીની બેઠક મળી હતી. જેમાં કોંગ્રેસ ઉપાધ્યક્ષ રાહુલ ગાંધીને પાર્ટીના અધ્યક્ષ બનાવવા મામલે દરેકે સંમતિ વ્યક્ત કરી હતી. સાથે રાહુલ ગાંધીને આ કમીટીએ વિનંતી કરી હતી કે તેઓ પાર્ટીની કમાન સંભાળી લે. જોકે આ બેઠકમાં કોંગ્રેસ અધ્યક્ષા સોનિયા ગાંધી હાજર નહોતા રહ્યા. દર વર્ષની જેમ આ વર્ષે પણ કોંગ્રેસ વર્કિંગ કમીટીએ રાહુલ ગાંધીને પાર્ટીના અધ્યક્ષ બનાવવા માટે વિનંતી કરી હતી. રાહુલે હજુ સુધી આ અંગે કોઇ નિર્ણય લીધો નથી. પણ તેઓએ કમીટીની બેઠક દરમિયાન કેન્દ્રની મોદી સરકારને વર્તમાન વિવાદો મામલે આડેહાથ લીધી હતી.