રોબર્ટ વાડરાની કંપનીની રૂ. ૪.૬૨ કરોડની મિલકતો ટાંચમાં

નવી દિલ્હીઃ બિકાનેર જમીન કૌભાંડ કેસમાં એન્ફોર્સમેન્ટ ડિરેક્ટોરેટ (ઇડી)એ રોબર્ટ વાડરાની કંપનીની ૪.૬૨ કરોડ રૂપિયાની મિલકતો ટાંચમાં લીધી છે તેમ એજન્સીના અધિકારીઓએ જણાવ્યું છે. ભારત-પાકિસ્તાનની સરહદ પાસે હોવાથી સુરક્ષાની દૃષ્ટિએ સંવેદનશીલ ગણાતા વિસ્તારમાં રોબર્ટ વાડરાની કંપનીએ ખરીદેલી જમીનના સંદર્ભમાં બિકાનેરના તહેસીલદારે આ જમીન સોદામાં ગેરરીતિ થઇ હોવાની ફરિયાદ કરતા રાજસ્થાન પોલીસે એફઆઇઆર અને ચાર્જશીટ દાખલ કરી હતી.
ઉલ્લેખનીય છે કે આ જ કેસના સંદર્ભમાં વાડરા અને તેમની માતા જયપુરમાં ઇડીની ઓફિસ સમક્ષ હાજર થયા હતાં.