હાથરસ કેસમાં ફેક પત્નીનો ફેક ફોટો વાઈરલ થયાની પતિની અરજી

નવી દિલ્હીઃ ઉત્તર પ્રદેશના હાથરસ દુષ્કર્મ કેસમાં પીડિતાના નામે અન્ય મૃત મહિલાની તસવીર વાઈરલ થઈ ગઈ હતી. આ મુદ્દે તે મહિલાના પતિએ દિલ્હી હાઈ કોર્ટનો દરવાજો ખટખટાવ્યો છે. આ અરજી પછી હાઈ કોર્ટે મંગળવારે કેન્દ્ર સરકાર પાસે જવાબ માંગીને પૂછ્યું છે કે હાથરસ કેસમાં ફેક તસવીર વાઈરલ થવા મુદ્દે તમે કાર્યવાહી કેમ ના કરી?
જસ્ટિzસ નવીન ચાવલાએ એ વાત પણ નોંધી કે અરજદારે ગઈ ૧૭ ઓક્ટોબરે પણ કેન્દ્ર સરકારનું આ તરફ ધ્યાન દોર્યું હતું, પરંતુ હજુ સુધી આ દિશામાં કોઈ કાર્યવાહી નથી કરાઈ. કેન્દ્રના વકીલ અરોરાએ કહ્યું કે, હજુ સુધી અમારી પાસે વેબ પેજ કે યુઆરએલને લગતી પૂરતી જાણકારી નથી.