નવી દિલ્હીઃ ‘ઇસરો’એ ઇમેજિંગ સેટેલાઇટ મિશન અંતર્ગત રડાર ઇમેજિંગ EOS-04 સેટેલાઇટ અંતરીક્ષમાં તરતો મૂક્યો છે. ૧૭૧૦ કિલો વજનનો આ સેટેલેાઈટ અંતરીક્ષમાં ૫૨૯ કિલોમીટરના સૂર્યના સમકાલીન ધ્રૂવીય કક્ષાના ચક્કર કાપશે. ‘ઇસરો’ના જણાવ્યા અનુસાર આ ઇમેજિંગ સેટેલાઇટ છે અને તેનો ઉપયોગ પૃથ્વીની ઉચ્ચ ગુણવત્તા ધરાવતી તસવીરો લેવા માટે કરાશે. ‘ઇસરો’એ ૨૦૨૨ના પોતાના પ્રથમ પ્રક્ષેપણ અભિયાન હેઠળ ધરતી પર નજર રાખનારા ઉપગ્રહ ઇઓએસ-૦૪ અને બે નાના ઉપગ્રહોને PSLV-C52 રોકેટ મારફત સોમવારે સફળતાપૂર્વક અંતરીક્ષની કક્ષામાં સ્થાપિત કર્યા છે. વડા પ્રધાન નરેન્દ્ર મોદીએ આ સફળતાને અદ્ભૂત ઉપલબ્ધિ જણાવી છે. વડા પ્રધાને ટ્વિટ કરીને જણાવ્યું હતું કે PSLV-C52 મિશનના સફળ પ્રક્ષેપણ પ્રસંગે આપણા અંતરીક્ષ વૈજ્ઞાનિકોને અભિનંદન... EOS-04 ઉપગ્રહ, કૃષિ, ફોરેસ્ટ્રી અને વૃક્ષારોપણ, માટીનો બેજ અને જળવિજ્ઞાનની સાથે ફ્લડ મેપિંગ માટે તમામ સિઝનની સ્થિતિઓમાં ઉચ્ચ ગુણવત્તા ધરાવતી તસવીરો ઉપલબ્ધ કરાવશે.
