હળવી ક્ષણોએ

એક છોકરો પરીક્ષામાં ૧૫ મિનિટમાં જ પ્રશ્નપત્ર અધૂરું મૂકી જવા લાગ્યો.
ટીચરઃ શું થયું? પ્રશ્નોના જવાબ આવડતા નથી?
છોકરોઃ એવું નથી મેડમ, હું જેના ભરોસે આવ્યો હતો તે જ મને જવાબ પૂછે છે.
•
પતિઃ આજ બહાર જમીશું?
પત્ની (રાજી થઈને)ઃ સારું સારું હું ૨ મિનિટમાં તૈયાર થઈ જઉં છું.
પતિઃ તું તૈયાર થા. હું બહાર ઓસરીમાં ચટ્ટાઈ પાથરું છું.
•
પતિઃ હું કેટલો સારો કહેવાઉં, કે મેં તને જોયા વિના તારી સાથે લગ્ન કર્યાં.
પત્નીઃ અને હું પણ કેટલી સારી કે તમને જોયા તેમ છતાં પણ ના ન પાડી.
•
રમેશઃ મારી પત્ની એટલી હોંશિયાર છે કે કોઈ પણ વિષય પર કલાકો સુધી બોલી શકે છે.
સુરેશઃ અને મારી તો એટલી બધી હોંશિયાર છે કે કોઈ વિષય ન હોય તો પણ બોલે રાખે છે.
•
ચિંટુઃ તને ખબર છે કે લગ્નમાં વરરાજાનાં જૂતાં કેમ ચોરવામાં આવે છે?
પિંટુઃ હા, એટલા માટે ખરા ટાઈમે વરરાજા ભાગી ન શકે.
•
ગ્રાહકઃ વેઈટર, આ બધું શું છે મટરપનીરમાં પનીર દેખાતું જ નથી.
વેઈટરઃ અરે, સાહેબ તમે ક્યારેય ગુલાબજાંબુમાં ગુલાબ જોયું છે.
•
ડોક્ટરઃ તમારા પત્નીને મેં પહાડની સૂકી આબોહવામાં જઈ હવાફેર કરવા જવાની સલાહ આપી છે.
પતિઃ તો હવે તમે મને દરિયાકિનારે ભેજવાળી આબોહવામાં જઈ હવાફેર કરવાની સલાહ આપજો!
•
હવે ‘મેઈક ઈન ઈન્ડિયા’ની સ્કિમમાં લેટેસ્ટ ટાઈપના એવા મોબાઈલો આવવાનાં છે કે....
- તમે બે વાર ‘મોદી મોદી’ બોલો કે તરત ફોન ફ્લાઈટ મોડમાં જતો રહેશે.
- બે વાર ‘મનમોહન મનમોહન’ બોલો એટલે કે સાયલન્ટ મોડમાં જતો રહેશે.
- બે વાર ‘કેજરી કેજરી’ બોલશો કે તરત વાઈબ્રેટ થવા માંડે.
- બે વાર ‘રાહુલ રાહુલ’ બોલશો કે તરત જ ફોન સ્વીચ ઓફ થઈ જશે.
- અને બે વાર ‘માલ્યા માલ્યા’ બોલો કે તરત મોબાઈલ થઈ જશે કવરેજ એરિયાની બહાર.
•
ઉત્તર પ્રદેશની પ્રજા નવી ફરિયાદ લાવી છેઃ
- પહલે બહુત કિસ્સે હોતે થે કે શાદી કે લિયે એક લડકી દિખાઈ ઔર બાદમાં દૂસરી સે કરવા દી.
- મગર અબ ભી યે હો રહા હૈ... કોંગ્રેસને ચુનાવ મેં દિખાઈ પ્રિયંકા ઔર ટિકા દી શીલાજી....!
•
માસ્તરઃ રમેશ, કેમ મોડો પડ્યો?
રમેશઃ મારા ભાઈને વાળ કપાવા લઈ ગયો હતો.
માસ્તરઃ આ કામ તારા પપ્પા પણ કરી શક્યા હોત.
રમેશઃ મારા પપ્પા કરતા વાળંદ વાળ સારા
કાપે છે.
•
મુવી ડિરેક્ટર કહેઃ હવે તારે આ સીનમાં ૧૫મા માળેથી કુદવાનું છે.
બીચારો નવો એક્ટરઃ પણ સર જો મને કંઈ થઈ ગયું તો?
ડિરેક્ટરઃ અરે ચિંતા ના કર, આ મુવીનો છેલ્લો સીન જ છે.
•
ભગાએ સાઈકલની દુકાન કરી અને પહેલો જ ઘરાક કરસન કડકો.
કરસનઃ મારે એક સાઈકલ લેવી છે, પણ સરળ હપ્તેથી.
ભગોઃ વાંધો નહીં, પહેલા હેન્ડલ લઈ જવું છે કે પેન્ડલ?
•