હાસ્યઃ હળવે હૈયે...

શું તમે ક્રિકેટના શોખીન છો? ક્રિકેટની બધી મેચો રસથી જુઓ છો? તો નીચેના સવાલોનો જવાબ શોધી આપો.
સવાલઃ ભારત અને ઈંગ્લેન્ડની ટીમો વચ્ચે રમાયેલી એક મહત્ત્વપૂર્ણ મેચમાં એ ખેલાડી પોતાની ટીમનો કેપ્ટન હતો...
... તેણે ઓપનિંગ બોલિંગ કરી હતી.
... એ મેચમાં ઓપનિંગ બેટ્સમેન પણ એ જ હતો.
... ઈનિંગનો છેલ્લો બોલ ફેંકનારો બોલર પણ એ જ હતો, અને મેચના છેલ્લા બોલનો સામનો પણ એણે જ કર્યો હતો.
યાદ નથી આવતું??
... ઈનિંગની છેલ્લી વિકેટ પણ તેણે લીધી હતી, અને મેન ઓફ ધ મેચ પણ એ જ બન્યો હતો.
હજી યાદ નથી આવતો એ ખેલાડી? ચાલો, હિન્ટ પણ વાંચી લો.
... મેચના છેલ્લા બોલે સિક્સર મારીને તેણે પોતાની ટીમને જીતાડી હતી. એટલું જ નહીં એ પોતાની પહેલી મેચમાં જ ટીમનો કેપ્ટન બન્યો હતો.
કોણ છે એ ખેલાડી? નથી કહી શકતા?
ચાલો, કહી દઉં... એ છે ‘લગાન’ ફિલ્મનો હીરો ‘ભુવન’ ઉર્ફે આમિર ખાન!
•
ડોક્ટર: સાંભળો, તમારા ઓપરેશન પછી અમને ખબર પડી છે કે મારા હાથનું એક મોજું તમારા પેટમાં રહી ગયું છે. ફરી સર્જરી કરીને પેટમાંથી કાઢવું પડશે.
નટુ: ડોક્ટર તમેય ખરા છોને! એક મોજું કાઢવા ફરી સર્જરી કરશો? આ લો... ૨૦ રૂપિયા. બજારમાંથી નવું ખરીદી લેજો!
•
છોકરી: કાલે મારા પપ્પાએ મને તારી બાઈક પાછળ બેઠેલી જોઈ લીધી હતી.
છોકરો: અરે, જલ્દી બોલ પછી શું થયું?
છોકરી: આજથી બસની ટિકિટના પૈસા બંધ! મારું ફેમિલી બહુ કડક છે... યુ નો!
•
નટુ: ભારતીય નારીઓ શા માટે વ્રત કરીને આવતા જન્મમાં એ જ પતિ મળે એવી પ્રાર્થના
કરે છે?
ગટુ: અરે, આટલી મહેનત કરીને ટ્રેનિંગ આપી હોય, એ કંઈ નકામી થોડી જવા દેવાય?
•
પત્ની: જો, પેલા દારૂડીયાને જો...
પતિ: એ કોણ છે?
પત્ની: દસ વરસ પહેલાં એણે મને લગ્ન માટે પ્રપોઝ કરેલું. પણ મેં ના પાડી હતી.
પતિ: ઓ વા...ઉ! તો એ માણસ હજી સેલિબ્રેટ કરી રહ્યો છે!’
•
અમદાવાદની જેલની દીવાલો હવે વધારે ઊંચી ચણી લેવાઈ છે.
અધિકારી: કેમ, કેદીઓ દીવાલ કૂદીને ભાગી જાય છે?
જેલર: ના રે સાહેબ, મફતિયા લોકો અંદર આવીને જમી જાય છે!’
•
કવિ: આ દુનિયામાં અંધેર ચાલે છે!
મિત્ર: કેમ?
કવિ: જો બેંકર બોગસ કવિતા લખે તો કોઈ ગુનો બનતો નથી પણ કવિ ખોટો ચેક લખે તો ગુનો બને છે!
•
છગને જાહેરાત આપી છાપામાં:
અમને જણાવતાં ગર્વ થાય છે કે અમારા મોટા ભાઈએ પાણીમાં શ્વાસ રોકીને ૩૫ મિનિટ રહેવાનો વિશ્વવિક્રમ સ્થાપ્યો છે. એમનું બેસણું ગુરુવારે રાખેલ છે!
•
હોટલમાં એક ભાઈ વેઈટરને ખુજલી કરતા જોઈ રહ્યો હતો.
એ ભાઈએ વેઈટરને બોલાવીને પૂછ્યું: ખરજવું છે?
વેઈટરે કહ્યું: મેનુકાર્ડમાં લખ્યું હશે તો ચોક્કસ મળશે!