Advanced search

ભાયખલામાં મોહર્રમના જુલૂસ દરમિયાન લોકોને ઝેરી ઝિન્ક ફોસ્ફાઇડ આપનારા આરોપી ફૈયાઝ નિસાર હુસૈનને પોલીસે ઝડપી લીધો. પોલીસની પૂછપરછમાં તેણે કબૂલાત કરી કે, તેનો પ્લાન આ કેપ્સ્યૂલ દ્વારા કમસેકમ 15 હજાર લોકોને મારવાનો હતો.

રતન ટાટાના ઓરમાન ભાઈ અને ટાટા ટ્રસ્ટના ચેરમેન નોએલ ટાટાએ જાહેર કર્યું છે કે પોતે રિટેલ કંપની ટ્રેન્ટ લિમિટેડના ચેરમેનપદેથી નવેમ્બરમાં રાજીનામું આપશે. ટાટા સમૂહમાં નોન-એક્ઝિક્યુટિવ ડિરેક્ટર્સ માટે નિવૃત્તિની ઉમર 70 વર્ષ છે. ત્રણ દસકામાં નોએલે ‘ટ્રેન્ટ’ને એક સામાન્ય રિટેલ કંપનીમાંથી મૂલ્યવાન કંપની બનાવી દીધી છે. આજે ‘ટ્રેન્ટ’નું માર્કેટ કેપ 1.73 લાખ કરોડ રૂપિયા છે. અલબત્ત્, ‘ટ્રેન્ટ’ છોડયા પછી પણ ગ્રૂપના મુખ્ય માર્ગદર્શક અને ટાટા ટ્રસ્ટના ચેરમેન તરીકે તેમની ભૂમિકા મજબૂત રહેશે.

બેસ્ટવે ગ્રૂપ દ્વારા શુક્રવાર 19 જૂને રોયલ એસ્કોટ ખાતે 33મી એન્યુઅલ ચેરિટી રેસ ડેનું આયોજન કરવામાં આવ્યું હતું. વોટર એઈડ માટે ભંડોળ એકત્ર કરવાના આ પ્રસંગે યુકેના પૂર્વ પ્રાઈમ મિનિસ્ટર અને મેઈડનહેડના બેરોનેસ થેરેસા મે, બેસ્ટવે ગ્રૂપના સ્થાપક સર અનવર પરવેઝ OBE H Pk અને બેસ્ટવે ગ્રૂપના ચેરમેન લોર્ડ ચૌધરી CBE SI Pk ઉપસ્થિત રહ્યા હતા. આ ઉપરાંત, પાર્લામનેન્ટના સભ્યો, ઈન્ડસ્ટ્રીના અગ્રણીઓ, ડિપ્લોમેટ્સ અને બેસ્ટવેના અધિકારીઓ સહિત 750થી વધુ મહેમાનો પણ ઈવેન્ટમાં હાજર રહ્યા હતા.

યુનાઈટેડ સ્ટેટ્સThe America250ની ઉજવણી કરી રહ્યું છે ત્યારે ગ્લોબલ હિન્દુ અને સાઉથ એશિયન નોનપ્રોફિટ સંસ્થા BAPS ચેરિટીઝ દ્વારા નોર્થ અમેરિકામાં સ્થાનિક સખાવતી ઉદ્દેશોના સપોર્ટમાં 100થી વધુ શહેરોમાં 2026 સ્પિરીટ ઓફ સર્વિસ વોક-રનનું આયોજન કરવામાં આવ્યું હતું, જેમાં 50,000થી વધુ લોકો જોડાયા હતા. આ ઈવેન્ટ્સમાં શહેરોના પાર્ક્સ, ટાઉન સ્ક્વેર્સ અને કોમ્યુનિટી સેન્ટર્સ નાગરિક સંપર્ક તેમજ સ્વયંસેવાને ઉત્તેજન અને ગૌરવના કેન્દ્રોમાં ફેરવાયાં હતાં. America250 ઈનિશિયેટિવ અમેરિકા અને કેનેડામાં ફર્સ્ટ રિસ્પોન્ડર્સ, ફૂડ બેન્ક્સ, અને કેન્સર રિસર્ચ ગ્રૂપ્સ સહિત 90થી વધુ સંસ્થાઓ માટે લાભકારી પુરવાર થયેલ છે.