વલ્લભ વિદ્યાનગર સ્થિત ચારૂતર આરોગ્ય મંડળના નેજા હેઠળ સંચાલિત શ્રી કૃષ્ણ હોસ્પિટલ અને શ્રી પ્રમુખસ્વામી મેડિકલ કોલેજના લાભાર્થે ગયા રવિવારે સાંજે ચારૂતર હેલ્થ ફાઉન્ડેશન-યુ.કે. દ્વારા હિથરો એરપોર્ટ નજીક રેડિશન બ્લુ એડવર્ડિયન હોટેલ ખાતે ભવ્ય ચેરિટી ગાલા ડિનરનું આયોજન કરવામાં આવ્યું હતું. જેમાં ૩૫૦ જેટલા સામાજિક અગ્રણીઓ, ઉદ્યોગપતિઓ અને યુવાન વ્યસાયીઓ ઉપસ્થિત રહ્યા હતા. આ પ્રસંગે કરમસદ નજીક આવેલી આ શ્રીકૃષ્ણ હોસ્પિટલ અને મેડિકલ કોલેજનાં ચેરપર્સન અમૃતાબહેન એચ.એમ. પટેલે ખાસ ઉપસ્થિત રહી જરૂરતમંદ, ગરીબ મહિલાઓ અને બાળકોની કેવી રીતે તબીબી સેવા-સુશ્રુષા થાય છે એની વિગતો આપી હતી. આ ચેરિટી ગાલા ડિનરનો વિસ્તૃત-સચિત્ર અહેવાલ આવતા સપ્તાહના અંકમાં રજૂ કરવામાં આવશે.
