મધ્ય પ્રદેશના ૩૨ વર્ષીય યુવાનના પેટમાંથી ૨૬૩ સિક્કા, ૧૨ બ્લેડ અને કાચના ટુકડા સહિત પાંચ કિલો સામગ્રી કઢાઈ

સતનાઃ મધ્ય પ્રદેશની સંજય ગાંધી મેડિકલ કોલેજના ડોક્ટરોએ ૩૨ વર્ષના મોહમ્મદ મકસૂદ નામના યુવકના પેટની સર્જરી કરીને એમાંથી જે અધધધ સામગ્રી કાઢી છે એ ચોંકાવનારી છે. સાત ડોક્ટરોની ટીમે મોહમ્મદના પેટની સર્જરી કરીને તેમાંથી ૨૬૩ સિક્કા, દસથી બાર શેવિંગ બ્લેડ, કાચના ટુકડા, કૂતરાને બાંધવાની છ ઈંચ લાંબી લોખંડની સાંકળ, ચાર મોટા સોયા સહિત લગભગ પાંચ કિલો જેટલી સામગ્રી કાઢી હતી. સતના જિલ્લાના સોહાવલ ગામમાં રહેતા મોહમ્મદ મકસૂદને તેના પરિવારજનો પેટમાં દુઃખાવાની ફરિયાદ સાથે લાવેલા. આ યુવક માનસિક રીતે વિક્ષુપ્ત હતો અને તેને ચોરીછૂપીથી લોખંડની ચીજો ગળી જવાની આદત પડી હતી.