ઇન્ડિયા-પાકિસ્તાનનાં ટેન્શનોને દૂરથી ટીવીમાં જોતાં અમારા વ્હાલા એનઆરઆઈ ભાઈઓ, ભાભીઓ અને ભૂલકાંવ! ઇન્ડિયામાં પાકિસ્તાનીઓની જોક્સ મોબાઇલમાં ફરતી કરીને હરખાતા હંધાય દેશીઓનાં જેશ્રીકૃષ્ણ!

રોજ સવાર પડે ને સરહદ પરથી પાકિસ્તાને કરેલા ગોળીબારના ન્યુઝ વાંચીને ટેન્શનું કરતા અમારા વ્હાલા એનઆરઆઈ ભાઈઓ, ભાભીઓ અને ભૂલકાંવ! ઇન્ડિયામાં આવા સમાચારોને ઘોળીને પી ગયેલા હંધાય દેશીઓનાં જેશ્રીકૃષ્ણ!

પોપ-મ્યુઝિક સિવાય ક્યાંય ઘાંટા નો પાડે અને રોક-મ્યુઝિક વિના કાનફાડુ અવાજે સ્પીકરું નો વગાડે એવા ધોળિયાવના દેશમાં રહેતા અમારા વ્હાલા એનઆરઆઈ ભાઈઓ, ભાભીઓ અને ભૂલકાંવ! ઇન્ડિયામાં મંદિર-મસ્જિદ અને ચૂંટણી એમ ત્રણેયના ઘોંઘાટથી ટેવાઈ ગયેલા હંધાય દેશીઓનાં...

ટેટૂ-ફ્રીક, પિયર્સિંગ ફ્રીક અને ફિટનેસ ફીક્સના દેશમાં વસતા અમારા વ્હાલા એનઆરઆઈ ભાઈઓ, ભાભીઓ અને ભૂલકાંવ! ઇન્ડિયામાં મામૂલીમાં મામૂલી માણસમાં અવળચંડાઈ ગોતતા હંધાય દેશીઓનાં જેશ્રીકૃષ્ણ!