ઈસ્ટર બેન્ક હોલીડેના વીકએન્ડના ગાળામાં યુકેસ્થિત BAPS ના 13 મંદિર અને કેન્દ્રો દ્વારા પડોશના વિસ્તારો (નેબરહૂડ્સ)માં સ્વચ્છતા અભિયાન કરવામાં આવ્યું હતું. રાષ્ટ્રીય અભિયાન ‘ગ્રેટ બ્રિટિશ સ્પ્રિંગ ક્લીન’ અંતર્ગત યુકેના 13 BAPS સ્વામિનારાયણ મંદિરો અને કેન્દ્રોના 216 સ્વયંસેવકો તેમના સ્થાનિક નેબરહૂડ્સની શેરીઓમાં ઉતરી સફાઈકામ કરવા લાગ્યા હતા અને શેરીઓને નવું સ્વરૂપ આપ્યું હતું. ‘ગ્રેટ બ્રિટિશ સ્પ્રિંગ ક્લીન’ સૌથી મોટું રાષ્ટ્રીય સામૂહિક પર્યાવરણીય અભિયાન છે જેમાં દેશભરમાં હજારો બેગ્સમાં કચરો એકત્ર કરી વિસ્તારોને સ્વચ્છ બનાવાય છે.
