સુરતની બાઈકિંગ ક્વિન્સ હવે ૨૫થી વધુ દેશના પ્રવાસે જઈ રહી છે. તેની સાથે સુરતની જ અન્ય બે યુવતીઓ પણ છે. લગભગ ત્રણ મહિને આ યાત્રા લંડનમાં પૂરી થશે. એશિયા, યુરોપ અને આફ્રિકામાં આ ત્રણ ખંડ બાઈકિંગ ક્વિન્સ પસાર કરશે. મહિલા બાઈકર્સે અગાઉ જણાવ્યું હતું કે, તેઓ બાઈક રેલીનું પ્રસ્થાન ૫મી જૂને ઉત્તર પ્રદેશની વારાણસી નગરીથી કરશે. તેઓને ખુશી છે કે મુખ્ય પ્રધાન યોગી આદિત્યનાથ રેલીને ફ્લેગ ઓફ માટે તૈયાર થયા છે.
ડો. સારિકા મહેતાની સાથે ૨૫ દેશની આ યાત્રામાં ગૃહિણી જીનલ શાહ અને વિદ્યાર્થિની ઋતાલી પટેલ છે. યાત્રા અંગે ડો. મહેતાએ આયોજન અંગે જણાવ્યું હતું કે, અમે કાશી વિશ્વનાથના આશીર્વાદથી યાત્રા શરૂ કરવાનું નક્કી કર્યું હતું. બીજા દિવસે પશુપતિનાથ સુધી પહોંચીશું.
