મોર્ડન મેડિસીનના અભૂતપૂર્વ વિકાસને કારણે સાકાર થયેલી ‘એન્ટી કેન્સર ડ્રગ્સ’થી હવે ધીરે ધીરે કેન્સર માટેનો ડર ઓછો થતો જાય છે તે સાચું, પરંતુ કેન્સર જેવા રોગને સંપૂર્ણ કાબૂમાં લાવવાની સિદ્ધિ મોડર્ન મેડિસીનને મળી નથી તે પણ હકીકત છે. આથી જ આપણે સહુએ ચેતતા નર સદા સુખીની કહેવતને અનુસરવી રહી. અમેરિકાના જાણીતા ડો. એન્ડ્રૂ વેલ્સના જણાવ્યા પ્રમાણે કેન્સર થવાના કારણોમાં ‘પ્રિ-રેડિકલ’ના ભરાવા સામે તમારા શરીરમાં એન્ટી-ઓક્ટિડન્ટ્સની વધુ પડતી અછત હોય તો તમને કેન્સર એકલું જ નહીં, પણ બીજા ભયંકર રોગો જેવા કે હાર્ટ એટેક, બ્લડપ્રેશર, ડાયાબિટીસ, આર્થાઈટીસ, દમ વગેરે પણ થઈ શકે છે.
