અભિનેત્રી કેટરિના કૈફે ૧૬મી જુલાઈએ પોતાનો જન્મદિવસ ઉજવ્યો હતો. તે ભૂતકાળ ભૂલી જઇને કારકિર્દીમાં આગળ ધપવા માગે છે. તેણે એક ઇન્ટરવ્યુમાં જણાવ્યું હતું કે, છેલ્લા એક વરસથી મારા જીવનમાં ઘણા બદલાવ આવ્યા છે. મારી કામ કરવાની પદ્ધતિ અને અંગત જીવનમાં ઘણા ફેરફાર થયા છે. હું હવે ફિલ્મમેકિંગ પ્રોસેસ પણ સમજવા લાગી છું. હવે મને મારા પૂર્વ પ્રેમીનો આમનો-સામનો થાય છે તો હું લગીરે નર્વસ થતી નથી. મારા જીવનમાં મુશ્કેલી લાવે એવી કોઇ વાત પર હું ધ્યાન આપતી નથી. મારી પાસે એ ઓપ્શન છે કે ઉદાસ ચહેરો રાખવાના બદલે હસતા રહેવું અને સારી રીતે વાત કરવી. સલમાન એક બહુ જ સારો મિત્ર તેમજ બહેતર ઇન્સાન છે. બોલિવૂડમાં ચર્ચા છે કે કેટરિનાને ડિપ્રેશનમાંથી બહાર લાવી ફરી તેની કારકિર્દી પાટે ચડાવવામાં સલમાનનો જ હાથ છે. રણબીર સાથેના પ્રેમસંબંધના અંત પછી કેટરિના માનસિક તાણમાં સરી ગઇ હતી. જેમાંથી સલમાને તેને ઉગારી છે.
