ગાંધીનગરઃ મુખ્યમંત્રી ભૂપેન્દ્ર પટેલની ઉપસ્થિતિમાં સ્વર્ણિમ સંકુલમાં બુધવારે લંડનની વનવેબ કંપની અને રાજ્યના સાયન્સ એન્ડ ટેક્નોલોજી ડિપાર્ટમેન્ટ- ડીએસટી વચ્ચે સેટેલાઇટ નેટવર્ક પોર્ટલ સાઇટની સ્થાપના માટે એમઓયુ થયા હતા. ભારતમાં આ પ્રકારના બે પ્રાઇવેટ સેટેલાઇટ નેટવર્ક પોર્ટલ સાઇડની સ્થાપના થશે, જે પૈકી એક જોટાણામાં બે ગામોમાં ઊભા થશે. આ નેટવર્કથી સરકાર, વ્યાપાર, શાળાઓને સસ્તી હાઇસ્પીડ ઇન્ટરનેટ કનેક્ટિવિટી ઉપલબ્ધ થશે.
ભારત સરકારે દેશના યુવાનો અને ઉદ્યોગ સાહસિકોની સંભાવનાને અનલોક કરવા હાઇ ટેક્નોલોજી સેક્ટર્સમાં પ્રાઇવેટ સેક્ટરની પ્રવૃત્તિ વધારવાનું નક્કી કર્યું છે.
