UUKના ચીફ એક્ઝીક્યુટિવ નિકોલા ડેન્ડ્રિજે યુનિવર્સિટી સ્ટુડન્ટ્સનો સમાવેશ ઈમિગ્રેશન આંકડામાં કરતી નીતિને બદલવા મિનિસ્ટર્સને અનુરોધ કર્યો છે. તેમણે કહ્યું હતું કે વિદ્યાર્થીઓને ગ્રેજ્યુએશન પછી યુકેમાં રોકાઈ કામ કરવાની વધુ તક સાંપડે તેમ કરવું જોઈએ.
યુકેના અર્થતંત્ર માટે પણ વિદેશી વિદ્યાર્થીઓ વિશેષ મહત્ત્વ ધરાવે છે. તેઓ યુકે અર્થતંત્રમાં £૭ બિલિયનથી વધુ ફાળો આપે છે. યુકે અને ઈયુના વિદ્યાર્થીની સરખામણીએ ઓવરસીઝ વિદ્યાર્થીઓ ઘણી ઊંચી ફી ચૂકવે છે. યુકેની વિદ્યાર્થી વસ્તીમાં બીન-ઈયુ વિદ્યાર્થીઓનો હિસ્સો ૧૩ ટકા છે. આંતરરાષ્ટ્રીય વિદ્યાર્થી બજારમાં યુનાઈટેડ સ્ટેટ્સ (૧૬.૪ ટકા), યુનાઈટેડ કિંગ્ડમ (૧૨.૬ ટકા), જર્મની (૬.૩ ટકા), ફ્રાન્સ (૬ ટકા), ઓસ્ટ્રેલિયા (૫.૫.૪ ટકા) અને કેનેડા (૪.૦૯ ટકા) હિસ્સો ધરાવે છે.
