પાઉન્ડની મજબૂતીથી બ્રિટિશ પ્રવાસીઓને લાભ

બ્રિટિશ પ્રવાસીઓને બાવન ટકા વધુ રશિયન રુબલ, ૩૩ ટકા વધુ આર્જેનિટિયન પેસો અને ૧૨ ટકા વધુ જાપાની યેન મળ્યાં હતાં. સૌથી વધુ ૭૭ ટકાનો લાભ યુક્રેનના ચલણ સામે મળ્યો હતો. નોર્વેના ચલણ ક્રોન અને સ્વીડિશ ચલણ ક્રોનર સામે પાઉન્ડ મજબૂત રહેવાશી બ્રિટિશ પ્રવાસીઓ માટે સ્કેન્ડેનીવિયાનો પ્રવાસ ૧૦ ટકા સસ્તો રહ્યો હતો. જોકે રશિયા અને આર્જેન્ટિનામાં ઊંચા ફૂગાવાના કારણે સ્થાનિક ભાવો ઊંચા હોવાથી પ્રવાસીઓ માટે કેટલાંક લાભ ધોવાઈ ગયાં હતાં. બીજી તરફ, પાકિસ્તાની અને ભારતીય રુપી તથા અમેરિકન ડોલરે ૨૦૧૪માં પાઉન્ડ સામે અનુક્રમે ૧૦.૪ ટકા, પાંચ ટકા અને ૪.૩ ટકાની મજબૂતી હાંસલ કરી હતી.