'ફેસબુક' અને અન્ય સોશ્યલ મિડીયા પર ઘણા લોકો પોતે બોરીંગ કે ઇર્ષાળુ નથી એમ પૂરવાર કરવા અમુક વખત માની ન શકાય તેવી ડીંગો હાંકતા હોય છે. દા.ત. તેઅો ઘરે બેઠા હોય છતાં કહે કે જેની ટીકીટ મોંઘી હોય તેવા અોપેરા શો જોવા કે પછી કોન્સર્ટમાં ગયા છે એવું સ્ટેટસ મૂકે છે. આ જ રીતે પોતે કોઇની સાથે સંબંધમાં છે કે પછી રજાઅો ગાળવા ગયા છે કે પછી અોફિસમાં પ્રમોશન મળ્યું છે તેવા જુઠ્ઠાણા ફેલાવતા અપડેટ કરી પોરસાય છે. પણ સરવાળે આ બધું પોતાની જાત સાથે જ જુઠ્ઠુ બોલવા બરાબર છે અને તે જુઠ્ઠાણું ક્યારેક અઘરૂ પડી શકે છે.
