બશીરે Ukip ને સ્વહિતને વરેલી એમેચ્યોર પાર્ટી ગણાવી કહ્યું હતું કે યુરોપિયન યુનિયનમાં સભ્યપદ અંગે જનમત લાવવા તે સક્ષમ નથી. માત્ર ટોરી પાર્ટી વાસ્તવિક પરિવર્તન લાવી શકે તેમ હોવાથી પક્ષાંતર કર્યાનું બશીરે જણાવ્યું હતું. Ukipએ શનિવારે રાત્રે કથિત નાણાકીય અને રોજગાર ગેરરીતિઓ સંદર્ભે બશીરને પક્ષમાંથી સસ્પેન્ડ કર્યા હતા. પક્ષના પ્રવક્તાએ જણાવ્યું હતું કે પક્ષની તપાસમાં મળેલા પુરાવા પોલીસને સુપરત કરવામાં આવશે.
